SÚBERSTÖDD

Ein af mínum fyrstu minningum er þegar ég var í leikskóla og við vorum strákarnir (aðal kallarnir í deildinni!) að pissa í kross. Nema hvað þessi sem ég var að pissa í kross með var búinn að vera með einhver leiðindi við mig þannig að ég var búinn að ákveða fyrir krosspissið að það væri best að pissa á hann í staðinn fyrir klósettið. Skemmtilegast við þetta líka er að ég var voðalega lítið skammaður fyrir að míga yfir strákgreyið. Var kannski sleginn á puttana og búið – gott ef leikskólakerlingarnar hafi ekki bara hlegið að þessu.

Þetta rifjaðist upp fyrir mér kl 7:30 þegar ég var að skutla Grettu áleiðis í vinnuna. Ég þarf endilega að taka upp þennan gamla sið og pissa meira á fólk. Ef mér leiðist eitthvað sem það gerir, þá býð ég því að koma og pissa í kross með mér. Og svo þegar það býst síst við því, þá míg ég yfir viðkomandi like there’s no tomorrow.

Svo er ein geðveikin að taka sig  upp í vinahópnum og ættinni minni. Það eru fjandans allir að verða óléttir. Hvað í helvítinu á það að þýða? Gubba út leiðinlegum börnum hægri vinstri?

Ok, núna eiga margir (allir) eftir að hugsa að þetta sé bara einhver biturleiki í mér að “þykjast” ekki vilja krakka og að magga sé komin á aldur. Já farið þið bara og hoppið uppí rassgatið á ykkur og haldið það sem þið viljið – Mér er alveg sama!